Fuxidas.

Fuximos.
Ti de min
e eu de ti.
Fuximos
coma o que ve que comeza a chover
e vai sen paraugas.

Fuximos.
Ti de min
e eu de ti.
Fuximos
coma quen cruza o paso de peóns
cando o semáforo se vai poñer en vermello.

Fuximos.
Ti de min
e eu de ti.
Fuximos
como o que ten medo ás alturas,
do punto máis alto.

Fuximos.
Ti de min
e eu de ti.
Fuximos
coma o amante pola ventá
ás catro da mañá.

Fuximos.
Ti de min
e eu de ti.
Fuximos
coma os roxos polo monte
na ditadura franquista.

Fuximos.
Ti de min
e eu de ti.
Fuximos
coma o supersticioso
dun gato negro.

Fuximos.
Ti de min
e eu de ti.
Fuximos,
parvos de nós,
sen saber que aínda que sigamos fuxindo,
sempre seguiremos ó carón.

Fuximos.
Ti de min
e non eu de ti.